MSACS-in lawmpuina an hlan
Oct 08, 2025


ZALEN Oct. 8, 2025 : HIV/AIDS donaa thawh that vanga tun hnaia chawimawina dawngtu Vanlalruati hnenah Mizoram State AIDS Control Society projecyt director Dr Jane Rinsangi Ralte chuan nimin October 7, 2025 chhun khan MSACS hmingin lawmpuina a hlan.


Vanlalruati hi HIV positive niin, Positive Women Network of Mizoram (PWNM) kaltlangin hun rei tak HIV/AIDS doin hma a la tawh a, a hmalakna avangin We Serve India Forbes India chuan tun hnai khan Women Led Social Innovation Award an hlan a ni.


Lawmpuina hlan inkhawm hi MSACS Project Director pisaah neih niin, MSACS joint director (IEC) Zuiliani Hrahsel-in a kaihruai. MSACS project director Dr Jane Rinsangi Ralte chuan, HIV/AIDS donaa Vanlalruati hnathawhte chhuanawm a tih thu leh chawimawina a dawng chu a phû hlea a hriat thu a sawi a; MSACS-in an lawmpui tak zet thu a sawi bawk.

#ZalenNews

Latest News & Chhiar Hlawh