ZALEN August 27, 2025 : Health minister Lalrinpuiin, private hospital ten Mizoram Universal Health Care Scheme (MUHCS) an la zawm loh chhan chu cashless an duh loh vang a nih thu house a hrilh.

Vawiin Assembly session zawhna leh chhanna hunah memberte zawhna leh zawh belhna te chhanga he thu hi sawiin, health minister chuan, tun dinhmunah empanelled hospital 11 a awm mek tih sawiin, hemi bakah hian day care 3, state pawnah 25 leh deemed empanelled 13 a awm mek tih a sawi bawk.

Health minister chuan private hospital ten MUHCS an zawm loh chhan an sawi ber chu cashless an duh loh vang a ni tih sawi bawkin, "Keinin cashless hi kan policy a nih avangin mipuite hamthatna turin cashless ngeiin tih nise kan ti a, hei hi anni pawhin an pawm ve theih thuai kan beisei," tiin a sawi.

#ZalenNews