ZALEN August 3, 2025: Mizoram Health Care Society chuan July, 2025 tawp thleng khan Mizoram Universal Health Care Scheme (MUHCS) hnuaiah damlo inekawlna senso Rs. 30,08,79,224 a pe tawh.

Mizoram Health Care Society thawktute hnen atanga ZALEN thu dawn danin MUHCS hnuai sum pekte hi AB PMJAY hnuaiah Rs. 15,32,14,404; sawrkar hnathawk (Govt. employee)-te inenkawlna senso Rs. 4,26,72,679; MUHCS-a inziak lut (contributory)-te inenkawlna Rs. 7,17,36,708; pensioner-te inenkawlna senso Rs. 3,32,46,423 te an ni.

MUHCS a inziah luh (contributory) hun hi June thla khan a tawp a; mahse, sawrkar chuan August 1,2025 atang khan a mamawhte tan inziah luhna hun a hawng leh a; mahse, a rate erawh a hma aiin a sang a. Inziak lut duhte tan Rs. 3,750, Rs. 7,500 leh Rs.15,000-ah te dunthlan theih a ni. 

ZALEN zawhna chhangin Mizoram Health Care Society thawktute chuan damlo bill pek chhuah kawngah harsatna an tawk lo tih sawiin bill hi kar tin an pe chhuak niin an sawi a. Hriat theih chinah Mizoram pawna damlo refer mi 346-te inekawlna senso pek a ni tawh tih an sawi bawk.