ZALEN August 27, 2025 : Tun dinhmun (i.e 20.08.2025) ah Myanmar raltlan Mizoram-ah 33,329 an awm mek.

Home minister in vawiin assembly session a VL Zaithanzama zawhna ziaka a chhan danin, Indo-Myanmar ramri hung chungchang chu central sawrkar thuneihna a ni a. Central sawrkar hian ramri hungna tur hian state sawrkar leh Border Guarding Force (Assam Rifles) bakah Border Roads Organization te nena inrawn tlangin kalpui dan turah hmalak mek a ni.

Myanmar raltlan chhinchhiah hna thawhna atan central atangin a hranpa-in sum hmuh a awm lo.

Raltlan chhinchhiah hna Mizorama district tin ten an thawk tan tawh a. Chinchhiah hna zawh hun tur hi sawi theih a ni hrih lo.