ZALEN September 16, 2025: Mizo Students Union te chuan Sawrkar lam hotute hnen aṭanga an thu hriat danah, Sum dawnna tur ber a fel tawh avangin October 2025 ral hma ngeia Scholarship semchhuah hman an beisei thu an sawi. 

MSU chuan Mizoram Zirlaite tana Ministry of Tribal Affairs-in July ni 7, 2025 khan a Scholarship pawisa a rawn sanction a, Mizoram Sawrkar Finance Department in SNA SPARSH an lo hman tawh avanga pawisa dawn theihloh a nih reng hnuin, Old System anga Central Finance a Mizoram Finance Commissioner-in, September ni 2, 2025-a DO letter hmanga Exemption an zuk dil hnuah, September ni 15, 2025 (Thawhṭanni) khan Central sawrkarin Exemption an rawn pe a ni an ti.

Scholarship bik atana Exemption hian October ni 31, 2025 thleng a awh dawn a. Sawrkar lam hotute hnen aṭanga an thu hriat danah MSU chuan sum dawnna tur ber a fel tawh chuan October 2025 ral hma ngeia Scholarship semchhuah hman an beisei thu an sawi a ni.

Scholarship bik atan hian State sawrkarin a tum ve tur State Matching Share Cheng nuai 560 Lakhs pawh August ni 19, 2025 khan Administrative Approval & Expenditure Sanction a pechhuak tawh a ni.