ZALEN, October 20, 2025: Goa-a Pathian thu zira awm mek, Taitesen Zonunsiama chu chawlh hmanga Aizawla a haw kawngah Pathianni khan Guwahati thlawhna tumhmun bulah a ruang chhar a ni.

Kum 32 mi, Chawlhhmuna cheng, Zonunsiama hi January thla khan Youth With A Mission (YWAM) Discipleship Training School (DTS), Mysore, Karnataka-ah thla ruk chhung Pathian thu zir turin a kal a. A zawh hnu hian Goa-ah zir turin a kal leh.

Goa-ah hian thla khat vel chauh a la awm hman a, chawlh hmanga haw a tum, Kolkatta atanga Aizawla thlawh haw a tum chu traffic jam avanga nang lovin Guwahati a tlang a. Rela haw tura a inruahman laiin Pathianni chawhma khan airport bulah a ruang chhar a ni ta niin ZALEN chuan thu a dawng.

Zonunsiama ruang hi Guwahati-ah hian postmortem niin Thawhtanni khan Aizawl thlenpui a ni, tlaiah vui nghal a ni.