ZALEN Sept. 8, 2025 : Lalthazuali (23) D/o. Lalnienga Champhai Zotlang, Port Blair, Andaman & Nicober Island a awm chu Sept ni 6 (Inrinni) zan khan a thi.

Zotlang Welfare Aizawl Secretary in, hemi chungchang a tarlan danin Nl. Lalthazuali (23), Champhai Zotlang hi Mumbai-ah hnathawkin a awm reng a. Port Blair (Andaman and Nicobar Islands) Hotel ah March 2025 khan insawn in a thawk tan a. Kar-2 vel damlo hian a awm a, a natna hi Doctor ten sawi chiahlo mahse, a awm dan atangin (Awmvel) a nih rin a ni. A Mawngbawrah a vei a, nula te a nih avangin han inentir mai hi a zak deuh a, a va in entir hian Doctor hian Damdawi te lo chawh in an haw leh mai a, a nat zual leh deuh takah doctor hmuh leh an tum chu holiday anih angin doctor an hmu thei lo a, tun dinhmun hi an thleng ta a ni tih sawiin a nat zual tak hi chu ni hnih vel chauh a nih thu a sawi. 

Ni 9.9.2025 (Thawhlehni) hian a ruang lo chhuahpui tum a ni ang a, tlai dar 3:00 ah chuan Lengpui Airport lo thlenpui beisei a ni. A ruang hi Lengpui atang hian hmun dangah chawlhpui lovin Champhai Zotlang a phurh tlangpui tura ruahman a ni.

#ZalenNews