Aizawl: Tripura Mission Field chu Presbyterian Church of India (PCI) chuan Provisional Synod ah a hlangkai. Thudawn danin Mizoram Synod Mission Board hnuaia mission field lian ber Tripura Mission Field chu Presbyterian Church of India chuan Provisional Synod ah a hlangkai a. April 2, 2017 hian Provisional Synod thar hawnna chu Noagang Presbyterian Biak In ah neih tura ruahman a ni. He Provisional Synod thar tur hian Pastor Bial 16 neiin Field Secretary ni mek chu Rev Lalengzika niin Moderator Elect a ni nghal a, Moderator ah Rev Kalu Koloi ruat a ni bawk . A ramchhung mi pastor 7 leh pro pastor 2 an awm mek a, Mizoram Synod pastor 9 an awm mek bawk niin thudawnna chuan a tarlang.