ZALEN August 4, 2025 : Nizan atanga tukin August 4.8.2025 zing Dar 8:00 thleng khan Mualkhan/Khamrang atanga Kolasib/Assam lam pan lirthei 458 chhuah an ni a, Kawngpui lam atanga Aizawl rawn pan bungraw phur 84 rawn chhuah a ni bawk.

Hmun hnih atanga nizana lirthei chhuah zat hi 542 an ni a, tunah hian Aizawl pan tum motor tangkhang Kawnpui-ah 130 an awm a, Sethawn-ah 91 tang bawkin Darnam peng to Khamrang inkarah motor chhia panga a awm bawk. Aizawl lam pan tur tangkhang hi an vaiin 226 an ni.

Kolasib/Assam lam pan tur chulirthei 3 chu a chhiat avangin Khamrang-ah an tangkhang a, Mualkhang-ah tangkhan 43 an awm bawk a, Assam lam pan tur tangkhang hi 46 an la awm.

PWD Division pathumte chu vawiin hian an labour te nen an hnatlang a, Group 1,2 &3 a inthenin - Aizawl Road N, Aizawl Road S leh NHD III te MFA Ground hnuai (Ch 156 kmp) atang Mualkhang peng (138 kmp) inkar kawng khuar hnawhin hna an thawk.

Group 1 - Aizawl Road N hian MFA Ground hnuai atangin GOP lam panin an thawk a, Group 2 - Aizawl Road S te chuan GOP atangin MFA Ground lam hawiin an thawk hna hi an thawk thung a. Group 3 - NHD III te chuan Mualkhang peng atangin Buichali pan zawngin an thawk bawk a ni.