Rel hmanga Sawhthing thawnchhuah dan tur sawipui

ZALEN October 17, 2025: Agriculture Minister PC Vanlalruata chuan vawiin khan Gauwahati-ah NEF Railways hotute a kawm a, Sairang atanga Sawhthing thawnchhuah dan tur North Eastern Frontier Railways General Manager Chetan Kumar Shrivastava a sawipui.
Agriculture Minister PC Vanlalruata chuan Railways hotute chu kumthar 2026-a Sawhthing thawn chhuah dan turah Rel hman tangkai an duh thu railways hotute a hrilh a. Tun dinhmunah Sawhthing lo chu Mizoram atanga thlaithar thawn chhuah tham a awm loh thu hrilhin; Sawhthing hi min ngaih pawimawh sak hle a ngai dawn a ti.
Railways hotute chuan Minister ngenna hi ngai pawimawhin Sawhthing thawn chhuah dan tur ruahmanna an lo sawipui a. Mizoram Sawhthing phurh chhuah nan Millennium parcel van buatsaih sak theih ngei an tum thu an hrilh nghal a ni.
Delhi, Kolkata, Gauwahati atanga bungrua phurh man tun aia awlsam leh man tlawm zawka mipui ten an chhawr tangkai theih dan tur an sawi ho bawk.
Minister hian Guwahati Mizo Welfare te hnenah thlanmual in sak tanpui nan Rs. 1,00,000 (Nuai khat) a pe bawk.