ZALEN August 22, 2025: Excise & Narcotics Department leh a thawhpuite chuan ruihhlo thahnem tak an man.

Excise & Narcotics Department leh CADS (Central YMA) thawkho chuan August ni 21, 2025 (Ningani) zan dar 7:10 khan Tuikual North-ah Heroin gram 107 (Hawng 8) leh a neitu-a puh – Beisiachai (27) s/o S. Chakho, Zawngling, Siaha District-a khawsa nia inchhal chu an man.

Excise & Narcotics Department, Narcotics Control Bureau (NCB) leh 191 Bn. BSF te thawkho chuan August ni 21, 2025 (Ningani) vek chawhnu khan National Highway – NH06A, Keifang leh Seling inkarah ruihhlo phur nia rinhlelh lirthei lokal an chanchhuah atangin zan dar 7 khan Methamphetamine Kg 49 & gram 101 leh Heroin gram 36 (Hawng 3) leh a neitu nia puh mi 8 -

1) Zoramsiama (25) s/o David Lala, Beraw lei; 

2) Lalruatkima (42) s/o Lalhriata, Bualpui

3) Nanglamthanga (20) s/o Ngokhankapa, Champhai Bethel

4) David Lalhmachhuana (28) s/o T. Joshua, Bawngkawn, Aizawl

5) T. Chatuanvanlalnghaka (29) s/o Lalmalsawma (L), Bawngkawn, Aizawl

6) Lalramthara (27) s/o Lalmuanchhunga, Champhai Ruantlang

7) Hmangaihzaua (38) s/o Zirliana, Champhai Bethel

8) Lalrammuana (29) s/o Rohmingliana (L), Champhai Bethel-a khawsa nia inchhalte an man.

An hnen atang hian heng ruihhlo phurhna atana hman lirthei 4 – TATA truck (Regn No MZ01F-1037, Renault Duster (Regn. No. MZ07-7237, Ashok Leyland Truck (Regn. No. MZ06-8810) leh Mahindra Bolero (Regn. No. MZ01Z-8246) an hrensak bawk.

Heng ruihhlo te hi Mizoram pawna tihral tura ruahman mek lai a ni.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni. He case-ah hian Court-in thiamloh a chantir chuan kum 10 atanga kum 20 chhung tanina tantir leh Pawisa Rs. 1,00,000 atanga Rs. 2,00,000 chawi bawk tura hrem theih an ni ang.

#ZalenNews