Scooty a tlan lai ulhbun in kap

ZALEN Sept. 26, 2025 : Lalrinpuia (30) S/o A-teria, K.Sarali chu Kawrthah a gas la tura Scooty a a tlan lai chu K. Sarali atanga km 12 a hlaah kawng thlang atangin ulhbun silai in kah a ni.
Lalrinpuia chuan Kawrthah a gas la tura scooty a tlan laiin thil puak ri avangin scooty chu tluin, na pawh a hriat mai loh thu a sawi a, thil ri thuai chu a hriat chhun a nih thu sawiin, reiloteah kawng thlang lam atangin Dawngliana S/o Punazoi, K. Sarali khua ve tho chuan hlam dan lek atangin ulbun in a kap a ni tih sawiin, silai nen lo tlan chhuakin Lalrinpuia chu chemtein rawn vih a tum leh a, Lalrinpuia hian a chemte chu man sakin a tlanchhiat san nghal thu a sawi.
Lalrinpuia chuan a tirah na engmah a neihloh thu sawiin, an inchai reilote hnuah a awm atanga thi rawn chhuak chu a hup nghal thu a sawi.
Lalrinpuia veilam zak hnuai hretah silaimu hi lutin, a hnute bulah silaimu hi a tlang a ni, a mu siper hian a hmai leh nghawngah a per bawk.
Kawrthah Hospitalah kal pui a nih hnuah Mamit Hospitalah enkawl mek a ni.
Silaia kaptu hi he thu ziahlai thleng hian zawn mek zel a ni.