ZALEN August 27, 2025 : MIMA Executive committee chuan ram leh hnamin hma a sawn a, a him zel theihna tur nia a hriatte, sumdawngte hmakhua ngaihtuahin thut khawm an nei a. Theih tawpa hma la tur leh sawrkar pawhin ngaihtuahna senga hma la turin an phut a ni. 

Nimina MIMA Executive committee chuan tunlai hian Mizoramah hnam dang(vai) an lo lut nasa hle-a a hriat avang leh thenawm state, Assam sawrkar chuan an rama Bangladeshi te an ram atanga chhuak tura a tih avang te hian Mizoramah lo luh an tum nasat an ring a. Mizoram kawt chhuah, Vairengte lamah ILP siamna hmun a lun hle niin an hria. Mizote hi la tam lovin, sumdawnna kawngah phei chuan chimral kan la sam dawn a ni. Chuvangin Mizo te hung bikna ILP khirh leh khauh takin sawrkarin lekkawh se an duh.

ILP chu Sponsor tu leh a diltu phone number leh address dik tak ziah ni se, proof thlap bawk ni se, rang leh fel fai zawka ILP tih felsak an nih theih nan a tul angin thawktu pawh dah belh nise, an ti. Hnamdang sponsor-tute hian an vai sponsor-te permit a tawpa thawn haw hi an mawhphurhna a ni tih hre thar leh se, an mamawh tawh loh huna se zawl chhuah mai lovin, an sponsor na lehkha copy chu an chenna Local Council/VC a theh lut ngei tura ti turin sawrkar leh a sponsor tu an phut bawk a ni.