ZALEN July 26, 2025: Vawiin khan FCS&CA Minister B. Lalchhanzova kaihhruaina hnuaiah NH-06 kawng dunga lirthei khalhtu tangkhangte ei tur pek dan tur chungchang Kolasib DC Circuit House-ah relho a ni, Naktuk atangin a pek hna tan dawn.

Meeting-ah hian NH-06 (Rengte Tlangsang) leh Kawnpui leh Khamrang kawng dunga lirthei tangkhangte chungchang ngun taka ngaihtuah a ni a. A khalhtu leh motor enkawltute ei leh in tur Supply Minister leh Kolasib Bialtu MLA te hmalaknain DM&R Department leh FCS&CA Department hotuten buhfai sem tur leh ei tur leina tur pawisa fai an ngaihtuah fel nghal a ni a. 

Ei leh in tur ngaihtuaha, a mawmawhtute hnena sem hna hi Kolasib atanga hmar lama chuan KDTOA & MTDA leh an phungbawmte kutah dah felin, chhim lam chu Kolasib Sub-Hqrs. YMA kutah a dah a ni. A tum khata ni turin lirthei khalhtute hi buhfai, dal, tel, purunsen leh tui thianghlim pek ni se ti-a rel a ni. 27.07.2025 chawhnu lam atang sem tan tura tih a ni. 

Minister hi Bialtu MLA leh Deputy Speaker Lalfamkima leh Kolasib DC Robert C Lalhmangaiha leh Working committee-a tel DC bakah, Addl. DC, Addl. SP, DCSO staffs, DI&PRO, Kolasib Sub-Hqrs. YMA hruaitute, KDTOA & MTDA hruaitute, DO (DEOC) leh mi pawimawh dangte an tel a ni.