ZALEN September 3, 2025: Republic Veng Branch YMA Executive Meeting September 2, 2025 zana neih chuan Republic Veng thlanmual a thlan enkawltu mumal awm tawh lo te chungchang a ngaihtuah a, thlan enkawl loh chu midang ruang phum nan an hmang tawh dawn.

Republic Veng Branch YMA chuan thlan enkawl mumal loh te hi November thla ral hma ngei in thlan neitu te chhungkua an la awm a nih chuan, tifai tur te, chhinchhiahna fiah tak siam tur an ngen a, huntiam ral hnua enkawltu awm lo, tu thlan nge tih pawh hriat tawh loh te chu inphum nan hman zui a ni tawh ang, an ti.

Republic Veng Thlanmual-a lo inphum tawh chhungte zawng zawngin ngaipawimawh ngei turin an in ngen a ni.