ZALEN Oct. 19, 2025 : Chaltlang Lily Veng (Aizawl) thlanmual chu mi tu tih hriat loh ten an suasam a, hemi chungchangah hian Bawngkawn police ah FIR thehluh a ni.

CHALTLANG LILY VENG LOCAL COUNCIL LEH CHALTLANG LILY VENG BRANCH YMA HRUAITUTE EMERGENCY MEETING THU

Chaltlang Lily Vengin kan thlanmual hman meka thlan chhinchhiahna/ thlana Aluminium Kros 18 lai mai misualin lo suasama, thlana Aluminium Kross phun te pawt phawi leh kuai bunga an lo la bo vek mai hi kan ngai thiam lovin kan la run thlak takzet a, hetianga kan khawtlang pawi nasa tak khawihtu te hi man chhuaha an thil tih sual man hremna an hmuh ngei theihnan Bawngkawn Police Station ah thlen a niin FIR theh luh a ni. Dan leh thupek keng kawhtu ten theih tawp chhuaha hmalak an tum mek a ni.

Veng chhung mipui, heng thil sual titu te hnuchhuina kawnga tangkai thei thil hriat nei kan awm a nih chuan khawtlang hruaitu te(LC/YMA) hnenah emaw Dan leh thupek keng kawhtu te hnenah emaw hriattir turin kan in ngen a ni.

 Sd/- Secretary

Local Council

 Sd/- Secretary

Branch YMA