ZALEN September 15, 2025: Lalramhmangaiha, Lamka-in Behind the Truth' BTT channel kaltlang OPEN LETTER AND WARNING TO PU DARTHANTHUAMA, CHAIRMAN, ṬHUAMPUI ALL NGO CO-ORDINATION COMMITTEE & PRESIDENT YMA, ṬHUAMPUI tih lehkha a thawn chungchangah Information & Publicity wing Behind the Truth' BTT chuan ngaihdam an dil.

Behind the Truth' BTT chuan - All NGO Co-ordination Chairman bakah Ṭhuampui YMA, MHIP, MUP, Meithai Association, Mistiri Association, Ex-Servicement, Florist Association. tia BTT WhatsApp chennel a thu lo darh hi belhchian dawl lo a ni a, kan hnam hruaitute thu pawh ngaichang lova kan thu hmuh ang ang kan rawn post hi Thuampui a kan unaute'n min hrethiam a, min ngaidam turin kan rawn ngen e. He thu hi facebook a Zomramhmangaiha inti account aṭanga lak a ni a, a hnuah a thu post a delete mai bakah a facebook account pawh a deactivate bawk. Hei vang hian keini pawhin kan thu post kan delete nghal a ni, an ti.

BTT chuan Hei hi ngaihdam dilna anga min pawmsak nghal turin kan rawn ngen nghal bawk e. Kan thu post pawh kan delete nghal a, facebook leh hmun hrang hranga lo forward an awm pawhin a mawh kan phur lovang. Forward tu hian mawh a phur ang, an ti bawk.

Thuampui All NGO Co-ordination Committee chu vawiin khan an thukhawm a, an chairman Darthanthuam, Branch YMA President ni bawk chuan, thil tha lo zawk a thlen a hlauh avangin ngaihchan tha an tih avangin hmalak rih lo an rel tih ZALEN a hrilh a, he ngaihdam dilna hi an hriat zui leh avangin lawmawm an tih thu leh thil tha lo zawk thleng lo tura an ngai tih a sawi bawk.

Manipur Group YMA atanga thudawnna chuan youtuber ten hetianga thu an vawrhdarh thin chu tha an tih loh thu ZALEN a hrilh a, hetianga unau inkara harsatna thlen thei thil ti an lo awm hi pawi a tih thu a sawi a, Lamka lamah chuan he thil avang hian harsatna a awm loh thu a sawi bawk.