ZALEN July 23, 2025 : Tunkar Thawhtannia Tiau luia tla Khai Deuh Tung, Myanmar Mualhlum khua chu vawiin chhun dar 12 vel khan Melbuk ram chhungah hmuh a ni.

Maipawl-in a tarlan danin, Khai Deuh Tung hi Tlangsam Tiau phaiah hlo thloa inhlawhin hna an thawk a, Thawhtanni chhun khan tuia an inchiah dai tur chu Tiau luiah chesualin a tla zui a. Tlangsam khawtlang chuan ni 2 an zawn hnuah an hmu lo a. 

Vawiin chhun dar 12:20 vel khan Melbuk leh Ruantlang inrina bul Lungpui kham pheiah Khai Deuh Tung ruang Melbuk Branch YMA Treasurer ram kalin a hmu a, Melbuk khawtlang a pun hnuah lak chhuah a ni ta a ni.

Khai Deuh Tung ruang la chhuak tur hian tui lian paltlang a ngaih avangin lakchhuah a hautak hle niin Melbuk Branch YMA chuan an sawi a. Tlai dar 4 vel khan Melbuk khua an luhpui thei chauh a ni. Melbuk Branch YMA hian a ruang hi Mualhlum Myanmar thlengin thlah an tum thu an sawi.

#ZalenNews