Tualte-ah Excise & Narcotics Department-in Meth Kg 5 chuang man
Tualchhung
Jul 25, 2025

ZALEN July 25, 2025 : Excise & Narcotics Department chuan July 24, 2025 (Ningani) tlai dar 4:30 khan Tualte, Champhai District-ah Methamphetamine Kg 5 & gram 555 (Tablet 50,500) an man a, a neitu nia puh – Rochharliana (30) s/o Lalthangmawia, Dilkawn, Champhai District-a khawsa nia inchhal chu an man bawk.


Methamphetamine vanga man hi The Narcotic Drugs & Psychotropic Substances Act, 1985 tlawhchhanin thubuai siamsak a ni a, July ni 25, 2025 khan District & Sessions Court, Champhai-ah hruai nghal a ni.

Latest News & Chhiar Hlawh