ZALEN August 20, 2025 : Maubawk Veng, Aizawl-a hmeichhia kum 80 mi Runliani (Luti) W/o Lalsanga (L) tualthih kaihhnawiha man mi pathum te thu zawhfiah mek an ni.

Aizawl police station atanga ZALEN thudawn danin, nimin chhuna an In chhunga thi-a hmuh Runliani (80) W/o Lalsanga (L), Maubawk Kawn veng thihna chungchanga man mipa pathumte chu he thu ziahlai thleng hian thu zawhfiah mek zel an la ni a, thu chiang hriat theih a la awm lo.

Tarlan tawh angin, kum 80 mi Runliani hi a nghawng veilam-ah vih niin a hrawk dinglam-ah inches 5 vela zau a zai a ni bawk. Man te hi an veng mi leh an veng thenawm mi an ni.

Runliani hi an inchhunga dawr nei niin an In-a thil lei tumin a kawngkhar lo inkhar chu a hawn hnuah a ruang thi-in a bual vek chu a hmu a ni.

He thil thleng an hriat veleh Maubawk khawtlang, police leh forensic lam te chuan hma an la nghal a, rinhlelh neiin an rinhlelh te hi zawn nghal an ni a, heng an rinhlelh te hi man niin police kutah dah nghal an ni.

#ZalenNews