ZALEN August 26, 2025: PHE Department in tui renchem tur leh ruahtui khawl lam a ṭan lo la zel turin mipui an ngen.

Greater Aizawl Water Supply Scheme Phase I & Phase II, power supply kan hmuh na ber 132KV Luangmual Sub-Station a Isolator chu ni 21.8.25 dar 5:25 pm atanga ni 23.08.25 dar 5:00 pm thleng a thatloh avangin tui pump theih a ni lo a. Tun dinhmunah erawh chuan isolator thlak ngai te thlak fel tawh niin, tui pump pawh a pangngai a chhunzawm lehnghal a ni tih PHE deptt. thuchhuah chuan a tarlang a.

Hetih mek lai hian Phase III (SIPMIU) tui pump na pipeline chu a chhiat avangin June ni 2, 2025 atang khan vawiin thlengin tui pump theih a ni lo a. Pipeline repair tur hian a tul anga chak tak a hmalak mek a ni. Heng chhan hrang hrang avang hian Aizawl khawpui tan a tui pump chhuah a tlahniam nasa a, hei hian nasa takin khawpui chhung tuisem a nghawng a ni tih tarlangin PHE deptt. chuan mipuite tui renchem tur leh ruahtui khawl lam a tan lo la zel turin an ngen a, tuisem khaihlak avanga mipui ten harsatna an tawhnaah hriatthiamna nasa takin an ngen tih an tarlang bawk.

#ZalenNews