July 25, 2025; Tuirini luia chesual Lalhruaia (33), Zemabawk East ruang chu tukin dar 6:30 vel khan a tlakna hmun atanga km 3 vela hla, Tuiphuchhuah-ah hmuh a ni.

Lalhruaia hi sangha mana an lui kalna Tuirini, Khawruhlian ramlam epah ni 22.7.25, chawhnu dar 1:30 vel khan a chesual a, a ruang zawn hna hi CYMA Disaster Response Team te pun an nih angin a tlak zan dar 8-ah an chechhuak nghal a ni.

Chalfilh Group YMA huam chhunga Khawruhlian ram chin a nih angin Khawruhlian Jt YMA leh Zawlbuk Group YMA huam chhunga Sesawng Jt YMA ten an zawng bawk a, a ruang zawn chhung hian a chenna veng, Zemabawk East Branch YMA te pawn a hmunah an chenchilh bawk.

A ruang hi tukin dar 6:30 vel khan Tuirini leh Tuiphu in finna, Tuiphuchhuah, Tuirial-ah hmuh a ni a, Lungmuat ram atanga lak chhuah a ni.