ZALEN Oct 6, 2025 : Nimin zing dar 6 vela Tuichang Lui a tlahlum, Roluahpuia (34) Puilo khua ruang chu nimin chhun khan a chetsualna atanga feet 150 velah hmuh a ni.

Roluahpuia hi a thiante pali nen, Tuichang luiah tlaivarin nghafuan an venga, nimin zimg dar 6 vel khan Roluahpuia hi chesualin a tla hlum ta a ni.

 A chetsualna lai tak hi Tuichang leh Puilo inkar Tuichang lei atang a meter 100 velah a ni a. QRT, SDRF, Sub-Headquarters YMA leh a khawchheh vela tlawmngai ten a ruang hi ngawrh taka an zawn hnuin nimin chhun dar 12 vel khan a tlakna tanga feet 150 velah a ruang hi hmuh a ni.

Roluahpuia hi Assam Regiment niin, a nupui leh a fanu thla 8 mi a kalsan a; a ruang hi Puilo PHC-ah postmortem tura lak niin, nizan khan tlaivar pui a ni a, vawiinah vui a ni ang.

#ZalenNews