ZALEN Oct. 13, 2025 : MZP Treasurer hlui leh West Phaileng Welfare hruaitu hlun leh Chairman ni mek Michael Lalramsanga chu MNF party ah Zoramthanga, President, MNF in a lawmlut.

Vawiin (13.10.25) MNF pary chhung inkhawm, Mizoram Hnam Runa neihah he inlawmluhna hun hi hman niin, mithar lawmluh, Michael Lalramsanga chuan thusawiin, "Tun hnaiah kan ram leh hnam himna tiderthawng zawnga hmalakna a awm hian rilru a ti na a, Mizoram leh hnam him zelna tura theihtawp a ke pen ve turin Mizo Hnam party ah ka rawn lut a, Mizo Nationalism tuipuitu ka nihna angin a taka lo thawk tawh leh thawk mekte ruala pen ve hi ka chak a. Martarte thisena bual Art 371G ropui zia ka hmuchiang a, a humhim turin theihtawp chhuah ka inhuam ve a ni," a ti.

Dampa bial mipui zawng zawngte tun by election lo awm turah MNF Candidate, mi chak leh a ngaihna hria Pu Thangtea vote vek turin ka sawm a ni, tiin, MNF sawrkarin Dampa bial min ngaihsakzia hi kan hriat nawn fo a tul a ni, a ti bawk.