ZALEN Sept. 29, 2025 : Inrinni khan Young Mizo Association (YMA), New Ngharchhip Branch te chuan chhungkaw nu ber damlohna avanga buhseng theilo, Padawta te buhseng sakin hnatlang an nei.

Buhseng hnatlangah hian YMA member mi 54 thawk chhuakin, buh hi an seng zawh sak vek a ni. Padawta hian kumin hian lo ṭin 2 hmun vel neiin buhseng hun ah chhungkaw nu ber damlohna avanga engmah ti thei lova a awm avangin buh hi an seng theilo a, an chhungkua hi member 7 niin an fa upa ber hian hmundangah pasal a nei tawh a. A nau chiah mipa hi hmundangah a awm bawk a, New Ngharchhip Branch YMA ten an chhungkaw dinhmun hriain an buh hi seng sakin ṭin 70 vel zet an seng sak a ni.

#ZalenNews