ZALEN, September 2, 2025: Zirtawpni hi India ramah Zirtirtute Ni a ni a, he ni lo thleng tur denchhen hian zirtirtute an ngaihhlutzia lantir nan Milleniam Centre-a dawr pakhat chuan zirtirtute tan bik an thil zawrh chu a man pangngai aia 30%-a tlawmin an hralh mek.

Millenium Centre Second Floor-a C-61, ZT Fashion hian nikum pawh khan Zirtirtute Ni hian a man tlawmin an thil zawrhte chu zirtirtute tan bik a man tlawmin an lo pe tawh bawk.

ZT Fashion hian hmeichhe pheikhawk, bag, kekawr leh thil dangte an zuar a, zirtirtute tan bika a man tlawma an inhralh hi Thawhlehni atanga tanin Ningani thleng an kalpui dawn a. Sorkar leh mi mal sikula thawk zirtirtu zawng zawng a huam vek a ni.

ZALEN-in a biaknaah nikuma Zirtirtute Ni puala an thil kalpuiah dawrtu zinga thenkhat, zirtirtu ni lo, zirtirtu anga inchhal an awm tih sawiin kuminah hian ID keng zel turin zirtirtute an ngen a ni.