ZALEN August 30, 2025: Zirtawpni dar zan 10 vela Bawngkawn-a inkahna thlengah Zotlang khawtlang chuasn an veng pa kaptu Rochhingpuia chu Meth zawrh avanga a awmna hmasa atanga hnawhchhuah tawh a ni an ti a, Bawngkawn West pawhin zanin dar 12:00 ral hma-in an veng chhuahsan turin an ti bawk.

Bawngkawnah insual buaina thlengah Rochhingpuia (44) s/o Haitinsanga, Bawngkawn Shalom veng chuan Lalhriatrenga Siakeng (21) s/o Lalrawngbawla, Zotlang veng chu a awmah pistol-in a kap a. Lalhriatrenga hi Greenwood Hospital panpuia zai nghal a ni a, a dinhmun a ngaihtuahawm lutuk lo niin an sawi.

Thudawn danin Lalhriatrenga leh Rochhingpuia te hi an insual a, Rochhingpuia hian a motor-a pistol lain a kap niin mit a hmutute chuan an sawi. Lalhriatrenga hi a awm bawrah a paivat deuhin kah a ni a, a nakah a tlang a, silaimu hian a pumpui hmun hnihah a kap tlang a, a ril a pawp a, a thin leh rilpuite a khawih lo thung a. A kaptua puh hi Bawngkawn Police ten an man nghal a ni.

Zotlang Local Council leh YMA chuan thuchhuah siamin pawi khawihtu hi ruihhlo (meth) zawrh avanga a awmna hmasa atanga hnawhchhuah tawh a ni a, ram leh khawtlang duh loh thila inhnamhnawihin khawpui lailia pawi a khawih ngam chu pawi an ti a, a phu tawk hremna hmu ngei se an duh thu leh hremna a hmuh ngei theih nan a tuartute chhungkua an thlawp tlat dawn tih an tar lang.

Bawngkawn West khawtlang chuan a kaptute chhungkua hi Bawngkawn Shalom veng chu zanin dar 12:00 hmaa an veng chhuahsan turin an ti bawk.