ZALEN May 27, 2025 Kum liamta 2024-2025 chhung khan, March 2025-ah Mizoram ah kangmei chhuak a tam ber a, 2024-2025 chhung khan kangmei chhuak avangin mi 4 in nunna an chan.

Fire & Emergency Services-in an chhinchhiah danin, April 2024 atanga March 2025 chhung khan Mizoramah inkang 37 awmin, hmun hrang hrangah ram kang 147 leh thil dang kang 33 a awm a, kang hlum mi 4 awmin, kangmei avanga hliam an awm lo a ni.

April 2024 atanga March 2025 inkarah kumin March thla ah kangmei chhuak atam ber a, in 6 a kang a, ram kang 92 chhinchhiah ani a, thil dang kang 11 chhinchhiah a ni a, kum liamta- chhunga kangmei chhuah tlem ber thla chu, nikum July leh October thla kha niin, chenna In 1 ve ve a kang a ni.

 2024-2025 chhung kangmei chhuak vanga sum hloh zat chu Rs. Vaibelchhe 5.69 hu niin kangmei chhuaka bungraw chhanhim zat chu Rs. Vaibelchhe 30.18 hu a ni bawk.

Kum 2018 atanga 2024 inkar khan Mizoramah In kang 278 awmin, ram kang hi hmun hrang hrang 631 ah athleng bawk a, kum 6 chhungin kangmei chhuak avangin nunna chan mi 22 awm in, inhliam mi 42 an awm bawk.

#ZalenNews