ZALEN July 2, 2025; December ni 17, 2021 zingkar a Aizawl DC office kang chhe ta chu sak ṭhat tum chhoh mek niin a lang a, kut pawh thlak chhoh ṭan a ni tawh.

ZALEN in RTI zawhna a siam PWD, Architect office in a lo chhan tawh danin, Aizawl DC office kang chhe ta a building hlui dingte chu hman zui theih a awmlo a, chim hlauhawm tak takte anih avangin, han humhalh zui chi-ah ngaih a ni lo. A building hlui ang miniature/model erawh chu a kawt laiah dah tum a ni a. DC Office Complex sak thatna turah hian thu tawp siamtu tur chu Mizoram Sorkar a ni.

Aizawl DC office sak thatna tur kum 2023 a ruahmanna siamah chuan Rs. Vbc. 49.7 (estimate) dah a ni a, architecture drawing leh estimate te siam a ni tawh a, sak that dan tur ruahman a nih danah chhawng 7 a sak tur a ni a, chhawng 2 chu parking tura duan a ni.

Hetihlai hian ruahmanna thar a awm leh awm loh hriat theih a ni mai lo a, a lan danah chuan kut thlak chhoh ṭan a ni a, lung te pawh rem chhoh ṭan a ni bawk.

#ZalenNews