ZALEN June 10, 2025 : Vawiin khan Mizo Hnam Runah MNF General Hqrs. Elected Office Bearers te leh Aizawl City MNF Block hrang hrang Office Bearers te inhmuhkhawmna neih a ni a. Aizawl Municipal Corporator inthlan lo awm tur thlirlawkna neih a ni a, he inthlanah hian mal kal turin an ngaihtuahna an hmang MNF President chuan a ti.

He hunah hian hmalakna tur hrang hrangte sawiho a nih bakah, hmalakna tur duan lawk a ni bawk a ni. He hun kaihruaitu Zoramthanga MNF President chuan thu a sawi a. "AMC inthlan lo awm turah hian mal kal turin ngaihtuahna kan hmang. Pathian leh mipui zarah sawrkar siam leh ngei turin kan inbuatsaih a ni," a ti.  

He hunah hian MNF General Hqrs. aiawhin Zoramthanga, President bakah Dr R Lalthangliana, Sr Vice President ; Vanlalzawma, Vice President ; Lalchhandama Ralte, Vice President leh Lalruatkima Treasurer te an tel a. MNF City Block hruaitu thahnem tak an kalkhawm a ni.