Zalen June 30, 2025 : Champhai Auto Rickshaw Owner's Association chuan vawiin khan an din champha pualin a thlawnin an passenger-te an phur

Champhai Auto Rickshaw Owner's Association chuan an kum 25 tlin champha Silver Jubilee pualin vawiin khan Champhai khawpui chhung hmun hrang hrangah mipuite tan a thlawnin an tlan a, mipuite an hlut hle a, tum danga an duty pangngai nen chuan inthlau tak niin stand ah pawh an ding rei hman meuh lo niin Auto Rickshaw khalhtute chuan sawiin mipuiin an hlut chu lawmawm an tih thu an sawi. 

A thlawna service hi tukin dar 7 khan Darthangvunga Traffic Point atangin hman tan a ni a, tlai dar 5 thleng khan an kalpui a, tlai dar 5 hnulamah chuan an rate pangngaiin an tlan lehnghal a ni. 

Champhai Auto Rickshaw Owner's Association hian ni thum chhung silver jubilee lawmna hun hi an hmang dawn a, vawiin hi a ni khatna niin naktuk hian thisen pek runpui an buatsaih dawn a, a ni thumna nilaini ah Thangtea Hall, Kahrawt ah a lawmna pui ber an hmang dawn a ni.