ZALEN March 27, 2025;Tun dinhmunah artui-ah Mizoram a la intodelh lo a. Hetihlai hian artui a intodelh turin ruahmanna siam a, Arpui nuai 1 vulh theihna tur project duan mek a ni.

Mipui nawlpuite ei nasat artui hi tun dinhmunah chuan state pawn atanga chawkluh a tam hle a, AH&Vety chuan artui a intodelh turin hmalakna hrang hrang a kalpui a, chung zingah chuan, Imbro ZPDS (Zoram Poultry Development) Tanhril atangin artui (table egg) nitin pum 1400- 1600 (approx.- 1500) thar a ni a, chu chu Tanhril ah leh sales outlet Khatla bakah, sales outlet Champhai, Lunglei, Serchhip, Siaha-ah te hralh chhuah thin a ni. Heng bakah hian department poultry farm 8 Mizoramah a awm a, chung atangte chuan tam tak

hralhchhuah a ni.

A.H & Vety. Farm Complex, Thenzawlah MEGA EGG PRODUCTION FARM din tum mek a ni a, department in NABARD RIDF – XXX hnuaia Project sum Rs. Vbc. 20.60 a hmuh atanga hmalak chhoh tur a ni. He Project ah hian Arpui 1,00,000 vulh theihna tura duan niin, Mizorama artui tharlam leh thianghlim tam zawk thar chhuah theihna tura ruahman a ni. Project hi zawhfel a nih hunah Public Private Partnership (PPP) hmanga enkawl chhunzawm tum a ni.