ZALEN, Mar. 27, 2025: Mizo cyclist,Vanlallawmzuala Varte chu nikuma ‘ride to clean air’ hming pua thirsakawra India ram puma a fan chhuah kha Asia Book of Records-ah ‘kawng chhova inkhalh thui ber’ tiin a hming a chuang.

Aizawla Mission Venga cheng, Lza Varte hian a inkhalhnaah hian India-a awm zawng zawng state 28 leh union territory panga a tlawh chhuak vek a, km 17,474.38 a inkhalhah hian kawng chho metre 1,13,278 (km 113.278) a tlan a ni.

Lza Varte hian boruak thianghlim a awm theih nana mite zirtirna atan January 25, 2024 khan Aizawl chhuahsanin a inkhelh chhuak tan a, ni 204 thangin February 17, 2025 khan a let leh a ni.

Kumin January 17 khan Lza Varte hi ‘thirsakawr hmanga state leh UT zawng zawng tlawh chhuak rang ber’ tiin a hming a lo chuang tawh bawk a ni.