ZALEN July 4, 2025 : BJP Mizoram chuan vawiin khan Political Session an nei a, Vanupa Zathang IPS (Retd) State Vice President in inkhawm a kaihruaia, He huna thusawitu Dr. K. Beichhua chuan BJP ember te chu BJP-a an awm avang ringawt pawh hian Pathian malsawmna a dawng a ni ti thei turin nun uluk a ngai a ti.

Dr K Beichhua MLA, BJP Mizoram State President chuan BJP Mizoram enkawl tur a kei mitling lo tak, finglo leh chaklo tak Pathianin min dah hi, chhan neia ruat ka nih ka ring a, ka tawngtai nasa hle a ni a ti.

Beichhua chuan "BJP President ka lo nih hian kan hmalakna leh kan tum ber tur chu Party mite inlungrualna leh hmangaihna a thawh ho na hi a pawimawh hmasa ber a, chumi atanga hna kan thawh a, hma kan lak chuan nasa takin kan thang dawn a ni. Mi thenkhat BJP sawichhia a, Christian te tiduhdahtu anga sawitu tam zawk hi an rilru ngaihtuahna chu Silchar pawh la thleng lo te anni thin."

"Chuvangin BJP Member te chuan BJP-a kan awm avang ringawt pawh hian Pathian malsawmna ka dawng a ni ti thei turin kan nun kan in uluk a ngai a, Mizo mipuiten Development kan beisei ang ngei kan hmuh theih nana hma la turin lungrual taka kan thawh ho a ngai a ni. Tin, BJP a lo awm tawh tuna rawn Active tawh lo te, Party danga awm te leh Mizo mipui te BJP min rawn zawm zel turin ka sawm leh che u a ni," a ti bawk.