ZALEN May 7, 2025 : BJP Mizoram chuan Pahalgam-a firfiak te'n khualzinte an beihna avanga, firfiakte a beih letna ah chhanna na tak a pek mek avangin, tunah hian India sipai te'n India ram venhimna an neihnaah Mizorama Kohhran hrang hrangte tawngtaipui turin an ngen.

BJP Mizoram India ram venhimna kawngah India ram zalen tak leh ralmuang taka a awm leh theihna tura India sawrkarin a khua leh tuite thlavang hauh nana, huaisen taka a hmalakna hi a ropui a ti a, India ram ropui zia lanna ah an ngai a ni.

BJP Mizoram chuan, "India ram venhimna hna thawktu India Sipai chanvo hrang hrang chelh tute tan, Mizorama Kohhran hrang hrangte ṭawngṭaipui turin kan inngen a, India sipai ah hian Mizo hnahthlak tam tak an awm bawk a, keini Pathian nung bia te'n, kan ram venhimhna thawktu sipai te'n Pathian awmpuina leh venhimna an chan theih nana Mizorama Kohhran hrang hrangte tawngtaipui turin kan sawm tak meuh meuh a ni," an ti.