ZALEN June 10, 2025 : BJP National Secretary Anil Antony chuan vawiin khan Aizawl Press club-ah chanchinthar lakhawmtute a kawm a, Kum 11 chhunga Prime Minister Narendra Modi kaihhruai sawrkar hmalakna hrang hrang bakah Mizoram bika an hmalakna te leh sawrkara tel thei an nih thu te a sawi.

Aizawl Press Club-a thuthar lakhawmtute a kawmnaah Anil Antony chuan, "Narendra Modi kaihhruai NDA sawrkar chuan kum 11-na a hmang mek a, hetih chhung hian India ramin kum 60 chhunga hmasawnna ala hmuh ngai loh a hmu chho mek a, kawng engkimah India ram chuan hma a sawn a, a bik takin Act East policy a kalpui mek chuan India hmarchhak state te nasa takin hma a sawnpui a ni," ti.

State sawrkarnaah tel lo nachungin enhranna nei lovin Modi-a sawrkar chuan Mizoramah pawh theihtawpin hma la mek a, tunah pawh Sairang thleng rail kawng chu peih thawlkhat a ni tawh a, Vbc 8500 lai sengin Aizawl chu India ram relkawngin a thlunzawm thuai dawn, a ti.

Mizoram atanga ASEAN ramte kawng tha tak hmanga kalpawh anih thuai theihnan tunah pawh Modi-a sawrkar chuan kawngpui lian a sial mek a, kawngpuite hi peih a ni dawn a, Mizoram chu India leh ASEAN ramte thlunzawmtu pawimawh ni dawn, a ti bawk.

Hmarchhaka BJP dinhmun a sawi naah, India hmarchhak state pariat zinga pathumah BJP chuan sawrkarna siamin state dang pathumah sawrkarnaah an tel mek a ti a, Mizoramah pawh hma an sawn nasa a, NDA sawrkar a la piang ve ngei dawn niin a sawi bawk.