ZALEN June 14, 2025 : Bible Society of India: Aizawl Auxiliary chuan kum kalta 2024-2025 chhunga an sum hmuh zawng zawng chu Rs. 5,95,22,346/- a ni.

Bible Society of India: Aizawl Auxiliary hian nikum chhung khan Central Office atanga beisei zat (target) an neih chu Rs. 4,00,00,000/- niin an hmuh zat chu Rs. 5,30,88,952/- a ni a, an target khumna hi Rs. 1,30,88,952/- a ni a, nikum hmasa lam aia an hmuh tam zawkna hi Rs. 39,97,235/- a ni. 

BSI Aizawl hian nikum chhung khan Bible House special budget-ah Rs. 50,00,000/- hmu tura an in beisei laiin Rs. 64,33,394/- an hmu a. Kum 2024-2025 tangka kum chhunga thawhlawm pangngai leh Bible House atana an hmuh zawng zawng belh khawm chu Rs. 5,95,22,346/- a ni.

Bible Society of India: Aizawl Auxiliary hian Mizoram pum bakah Tripura state leh Assam state chhunga district pathum Hailakandi, Karimganj leh Cachar district te a huam a. BSI Aizawl hi India ram puma Auxiliary sum hmu tha ber nihna a chelh ngun hle.