ZALEN July 2, 2025; Nimin July ni 1 tlaia Serchhip Sub hqrs. YMA office building atanga zuangthla Lalchhanchhuaha (29) chu nizan khan a thi.

Lenkawl-in a tarlan danin, Serchhip field venga khawsa Lalchhanchhuaha hi July ni 1, 2025 office ban hnu, tlai dar 5 vel khan Serchhip bazar-a sub hqrs. YMA Serchhip office building chhawng 4 na atangin a zuangthla a, hliamna tak tuarin Serchhip damdawiin panpui nghal a ni a, amaherawhchu a hliam tuar loin nizan dar 11:30 vel khan a thi. Vawiin chhun dar 12-ah vui a ni ang.

Lalchhanchhuaha hi nupui nei tawh niin, tunhnaiah an nupa karah harsatna neuh neuh an nei ni awma sawi a ni. YMA office hi thir hmanga hung niin, hetah hian lawn lutin a chhawng chungah hian a chho nia rin a ni a, a zuangthla lai hi mi thenkhat chuan an hmu nia sawi a ni bawk.

#ZalenNews