ZALEN May 16, 2025 : Vawiin tlai khan Central YMA chuan ni 24.02.2025 (Thawhtanni) a Bangladesh a Sajek tlangdung a, Mahmuam khuaa kangmei chhuak a Mizo chenna In 18 kang tuarte tanpuina Sajek Branch YMA hruaitute hnenah Rs. 5,11,800.00 an hlan. Tanpuina hi Lalhmachhuana, President in Sajek Branch hruaitute hnenah a hlan.

24.02.2025 khan Mahmuam khuaah kangmei chhuak avangin In 60 vel kangin, Mizo chhungkaw chenna In 18 chu engmah chuh hman lovin a kang ral vek a ni.

Central YMA chuan kang tuarte tanpuina atan hian Aizawl City Branch YMA te hnenah thawhlawm a khawn a, chuta tling khawm chu hlan a ni a. Tlawmngaia tanpuina thawh tu Aizawl City Branch te hnenah Central YMA in lawmthu a sawi.