ZALEN March 7, 2025; Chief minister Lalduhoma'n sawrkarna an chan atangin mut kham ni vawi khat mah a la nei lo tih a sawi.

Vawiin Chapchar Kut hmanna, Lammual-ah he thu hi sawiin, chief minister chuan, "Zoram tan, in tan, ka hun zawng zawng leh ka theih zawng zawng, a tam thei ang ber tih hman ka duh a ni," a ti a, a thian te, a thawhpuite pawh an thawhrim thu a sawi.

 Chief minister chuan vawiinah hian zofa khawvel hmun hrang hranga awm ten taimak hi thupuiah lo nei rawh u, ti bawkin, "Kan hnathawh chu a hniam emaw, a sang emaw kan phak tawk zela Pathianin min hunna hi Pathian rawng kan bawlna a ni tih hriain, tumah zelthel suh u... i taima ang u, kan sawrkar hnathawk zawng zawngte pawhin tunah hian rim takin hna an thawk mek a ni, kan zavaiin ka hnathawhna theuhah tihtakzet kan chhuah chuan he hnam hi a lo ropui ang a, kan Pathian chawimawiin a lo awm ang," a ti bawk.