ZALEN June 9, 2025 : Irrigation & Water Resources Department chuan vawiin khan tui dinhmun hriat theihna tur Mizoram State Water Informatic Centre (Mz-SWIC) hawnna an nei a, he huna khuallian Chief Minister Lalduhoma chuan AMC chu tui khawlna nei thei lo In sak phalsak tawh lo se a duh thu a sawi.

Lalduhoma chuan tui khawl a pawimawh a tih thu a sawiin, AMC pawh hian water harvestry ti thei lo chu In sak phal tawh lo se, tun ai hian fur ruahtui tlak lai, PHE connection a tui pek theih loh laia harsatna ang hi a pumpelh theih a rin thu a sawi.

PHE Minister pawhin tunhnaia ruahsur nasat avanga tui a pump theih loh tur thu a hnenah pawh a thlen tih a sawi a, mipui piah lamah pawh department lam an buai hle, tui khawlna tha chu nei ila hetiangah hian kan buai lo ang a ti bawk.

Kohhran leh NGO pawh tui khawl chungchangah hian thuchhuah siam tur leh awareness pe turin a beisei thu a sawi bawk.