ZALEN July 18, 2025 : Chief Minister Lalduhoma chuan vawiin khan Confederation of Indian Industry (CII) Head, Centre of Excellence for Livelihood Shivekgurubarran G, leh Ms Shalini Thapa, Senior Director and Head, Northeastern Region te a kawm a. Employment & Livelihood lama an hmalakna te a sawipui.

CII hotute hian Centre of Excellence for Employment & Livelihood lama an hmalakna hmanga sumdawnna leh thil siamna tenau dintute (microenterprises) hmasawnna atana an hnathawh dan sawifiahna an nei a. Mizoram chu India hmarchhak biala hma lakna hmasa ber atana an awh thu leh chu mi avanga amah hmu an nih thu Chief Minister hi an hrilh.

Chief Minister hian Planning Department hotute sawipui turin a lo kawhhmuh a, an kal dan te chu ziaka thehlut turin a chah a ni.