ZALEN May 26, 2024 : Health Minister Lalrinpuii chuan Civil Hospital Aizawl tih changtlun nan leh tih hmasawnna atana Aizawl Police Station leh Directorate of Prison Office hmunte chu an beisei tih a sawi.

Vawiina Free Health Check-Up for MJA a hawn hnua Chanchinbumite leh Healh department staff te inkawmho naah Lalrinpuii chuan Aizawl Police Station leh Directorate of Prison Office hmunte chu Civil Hospital hnena hlan a nih theihna tur hmalak an tum tih a sawi.

Aizawl Police Station leh Prison Office te hi Assam Rifles chhuahsan tak ramah sawnchhuah ni se tih rawtna a awm Health Minister chuan a ti a, heti anih chuan Civil Hospital Aizawl chu tun ai hian a changtlun leh zual thei dawn a ni, a ti.