ZALEN May 24, 2025 : Vawiin tlai khan Chief Minister Lalduhoma chuan Jual Oram, Union Minister for Tribal Affairs chu a pisaah kawmin ruihhlo ngaite enkawlna hmun hrang hrang tihchangtlun dan tur a sawi pui a, Union Minister chuan theihtawpa hma a lo lakpui tur thu a sawi.

Chief Minister hian Mizoram tana Eklavya Model Residential School (EMRS) din belh tur dil bawkin Union Minister hian lo ngaihtuahsak a intiam.

CM hian EMRS a thawk tur Mizote an luh tam theih dan tur sawiin, Jual Oram chuan hemi kawngah hian hma an lak mek thu leh, EMRS a thawk tur staff tenaute phei chu state chhunga mi ngei la tur leh zirtirtu pawh region wise-a recruitment kalpui turin inkaihhruaina thar an duang mek tih CM hi a hrilh.