ZALEN: Internet lama party dinthar Oggy Janata party chuan Cockroach Janta Party chu an hmachhawn tur te an ni tih an rawn sawi chiang nghal a, an aia party hmasa zawk dintu thil tum, an campaign dan leh politics-a lo inhnimphum tawh a nih thu pawh an rawn sawi nghal.

Internet-ah sawi ang hian thil thar danglam buaipui tur a awm thar a, thuphunga (virtual) politics hmanga inbei te chungchang a ni - mahni ngaihdan-a kal Oggy Janata party (OJP) leh viral mek Cockroach Janta Party (CJP), anni pahnih hi cartoon Oggy leh Cockroaches te nihphungin a kaihhruai te an ni. (Hriat ve mai mai tur chu Oggy cartoon-ah hian Oggy hi Chukchu (Cockroach) te hian an tibuai hneh hle a, he cartoon en thin chuan in hre thiam mai ang.. Inbeihna atana he hming kher hman pawh hi?) Online-a an inbeihna hian social media a chiah hneh nghal a, fiamthu ti tak leh milem siamchawp hmanga inbeihna chuan a huang a zauh chho zel.

Dinthar hlim Oggy Janata Party hian Cockroach Janata Party eptu an nih thu an sawi nghal, an epte chu an thil tum, an campaign dan leh politics-a lo inhnimphum tawh anih danah zawhna an rawn nei nghal. An thu leh hla hmanga inbeihna te chuan bengkhawn a hlawh a, Instagram leh X-ah thlalak siamchawp, fiamthu leh politics hmanga inbeihna a tam phah hle.

OJP lam chuan CJP dintu chu politics lama inhnamhnawihna a lo neih tawh hmangin an bei zui nghal a, Instagram lama an post-ah OJP te chuan Cockroach Janta Pary (CJP) dintu Abhijeet Dipke leh Aaam Aadmi Party (AAP) chu inngheng hnai tak a ni an ti. Dipke chu AAP social media leh election campaign lamah thuk taka lo inhnamhnawih tawh a ni, an ti.

He an thil post-ah hian 2024-a khatihlaia Delhi Deputy Chief Minister Manish Sisodia hnena 'message' a thawn pawh an tarlang a, hei hi Abhijeet Dipke-a'n Boston lama a kal dawna a thawn niin an sawi. (Dipke hian a zirna a chhunzawm duh avangin Boston lam hi a pan a ni)

He thu a thawnah hian Dipke chuan, "Hun tha min siam sak a, in hnena ka thawh laia ka tawn te kha ka hlut em em a. Boston pawh hi i kaihruaina leh i kawhhmuhna avangin ka pan dawn. Kan kar hla hian AAP-a ka inpekna hi a ti nep thei ngai lo ang," tiin a ziak niin an tarlang.

OJP hian 'motto' an neih chu 'Kill all Cockroaches' (Cockroaches Janta Party zuitu te hian 'Cockroaches' an inti) tih a ni tawp. "Eng Chukchu pawh ni se. Eng tiat pawh ni se. Eng chi pawh ni se. Thih a ni mai (Any roach. Any size. Any species. Dead),” tih chu an website-a an dah dan a ni. Cartoon lama inhmelma te inbeihna kha internet lamah politics zawngin danglam takin a rawn viral a ni ta ber.

OJP hian India tana zalenna sualtu (Indian freedom Fighters) te'n tunlai thalaite 'Cockroach' anga an chhuah anga tarlanna online hmanga siam awm chu tul lo, nghet taka an rilru sukthlek siam tuma thil dik loh tum tumna a nih thu an sawi.

"Ram, a dinhmun, Khandaih hriam hmanga sualchhuahna-a thalaite te hian 'Chukchu (Cockroaches)' tia inchhalin an chapo pui a. A nihna takah chuan hei hi hna nei lo an tam vang mai a ni," tiin an thuchhuah chuan an tarlang.

He thuchhuak hian online lamah ngaihdan a ti phir a, thenkhatin an inbeihna lawm viau an awm laiin, hmanraw chi hrang hranga hmanga inbeihna chu an sawisel ve bawk.

OJP lam hian chuan parody politics chu social media lam thleng an hrut a, 'Animal Rights manisfesto' an neih point ruk chu an tarlang. He an thil tih pawh hi viral tur zawngin an ti emaw tih mai turin thuchhuah an siam a, chung zingah langsar tak pakhat chu, "Ram pakhat, Bawng a Nu anga chhak hi khawvela bawngsa thawhchhuak hnem ber a ni. Thil chiang tak erawh chu. Ui hi na taka kuthlak an ni. Bawng te pawh chhawr hrep an ni. Zawhte pawh a nung chunga hal an ni. Hremna a awm em? Cheng 50 chawi a ni mai. India hian rannung te khuahkhirhna dan a mamamawh - ziak ringawt lovin, a taka lantir a ngai," tih te chu heng zinga langsar a ni. ( A hnuaia memes-ah hian 'Animal Rights manisfesto'-a an thuken te chu hmuh tur a awm).

source - indianexpress.com