ZALEN June 4, 2025; May ni 30 hnuah Mizoramah Covid 19 hri kai hmuh belh a la ni lo.

Health & Family Welfare Department hnuaia Integrated Disease Surveillance Programme (IDSP)-in a tarlan danin, darkar 24 liamta chhung khan Mizoramah sample 2 endik a ni a, hri kai thar hmuh belh a ni lo a ni. May ni 30-a hri kai thar 2 hmuhte chu Falkawna Zoram Medical College & Hospital-ah enkawl mek an ni a, ngaihtuahawm erawh an ni lo a ni.

IDSP chhinchhiah danin, kumin May ni 30 a Covid 19 hri kai 2 hmuh hi nikum October thla hnua Mizorama hri kai hmuh lehna hmasa ber a ni a, nikum chhung zawng khan Mizoramah Covid 19 hri kai 73 hmuh a ni a, hri vanga thi an awm lo a ni.