ZALEN May 1, 2025; Mizoram Presbyterian Kohhhran hnuaia damdawiin, Synod hospitalah financial year liam ta chhungin damlo awm man pe thei lo mi 882 tana charity fund a pek sak zat chu Rs.1,96,35,969 a tling.

Synod hospital board thukhawm chuan sawrkar kum kal ta chhung khan damlo awm man pe theilo mi 882 te chu charity fund atangin pek sak an nih thu an tarlang a, heng zingah hian Presbyterian kohhran mi 626 niin charity fund atang cheng Rs.1,36,75,102 pek sak an ni a, Presbyterian kohhran nilo mi 256 te tan charity fund atangin Rs.59,60,867 pek sak a ni bawk. 

Synod thuchhuah tarlan danin charity fund pe theilo zingah hian Presbyterian Kohhran za zela 69.65 chu pek sak an ni a, Presbyterian Kohhran nilo za zela 30.35 pek sak an ni bawk.

Synod hospital hian kum tin charity fund pual hian damlo awm man pe theilo te an lo tanpui tawh thin a, nikum khan damlo 863 te awm man chu charity fund atangin cheng nuai 2,18,04,753 an lo pek sak tawh a ni.

#ZalenNews