ZALEN, May 17, 2025: Thingsai Branch YMA chuan ruihhlo leh a kaihhnawih thil thlen nana drop box an huna thu an dawn bawhzuiin zu siamna hmun pahnih an tichhia.

Drop box-a thu thlen an dawn an bawhzuinaah an khaw ram chhung, Sachhun ramah zu siamna hmun hnih hi an tichhia a; rakzu leh zu siamna hmanrua, bel leh dekchi eng emaw zat an man a, tual chhung rate-in Rs. nuai 2 man hu vel a ni.

Hnahthial Sub-headquarters YMA hnuaia awm, Thingsai YMA atanga ZALEN-in thu a dawn danin ruihhlo dona kawnga hma an laknaah thu thlen duhin an thlen theih nan sub-headquarters YMA hnena atanga drop box hi dawngin library-ah an hung a ni.

March thla atangin dropbox hi an hung tan a, tun thlengin thu thlen pali an dawng tawh.