ZALEN May 9, 2025 : Education Department buatsaihin Vawiin khan Vanapa Hall-ah Mizoram Board of School Education Examination 2025 a Higher Secondary School Leaving Certificate (HSSLC) leh High School Leaving Certificate (HSLC) topper te chawimawina hun hman a ni a, chawimawi te hi hmeichhia vek an ni.

Chief Minister's Award 2025 hlanna neiha chawimawi te hi:

1. HSSLC Topper in Science - Cynthia Lalhlupuii Shangpliang, a pa Pu Kyrshanbor Shangpliang, Falkland, Aizawl. St. Paul's HSS.

2. HSSLC topper in Commerce - Kristin Laldinpuii Ralte, a pa Pu Lalsangliana Ralte, College Veng, Aizawl, Oikos HSS

3. HSSLC Topper in Art - Lalrammawii Tochhawng, a pa Reuben Lalrinkima, Khatla East, Aizawl, Mt. Carmel School.

4. HSLC topper - PC Lalthakimi, a pa Darthuama, Saron Veng, Aizawl, KD High School te an ni.

Chawimawina pek hi Tangka fai Rs. 50000, Memento leh Citation a ni a. Kumin hi a kum 13-na a ni.

Award hlanna inkhawm hi Angela Zothanpuii, Director, School Education in a kaihruai a, David Lalthantluanga, Special Secretary, Education in keynote address sawiin, Lalhmachhuana, Addl. Director, School Education in lawmthu sawiin inkhawm a khar a ni.