ZALEN June 2, 2025 : ZPM Southern Hqrs, Lunglei chuan vawiin khan Party chhung inkhawm leh Political Session hun an hmang a, he huna thusawitu Health Minister Lalrinpuii chuan eiru lo tura intiam an nih angin an eiru ve lo tih a sawi. 

Lalrinpuii chuan Minister zawng zawng te’n theihtawp piah lama hna an thawk ve tak meuh thu sawiin mipuite tawngtai sakna leh support chu an duh tak meuh a ti a, thil tih harsa leh theih loh a innawr lui tlat an awm thin chu luhai thlak a tih thu sawiin, Minister leh MLA te hi eiru lo tura intiam an nih angin an eiru velo a ni tih sawiin an hlawh ngawr ngawr bak an ring bik lo a a ti.

Minister chuan, ATL Road chungchang sawiin Lunglei MLA te an tangrual hle tih sawiin Mizoram mipui tamtak te thik khawpin ₹Vbc 104 dah ani ta chu lawmawm a ti hle tih a sawi a, Pukpui Engineering College pawh nakkuma hman theih turin Post 63 an tifel tawh tih sawiin hmanni khan Cabinet meeting in an pawm fel tawh tih a sawi a, a kalkawng leh mamawh dang siamna’n ₹Vbc 25 CM in a dah tawh tih a sawi bawk.

Aizawl Private Hospital te nen an inrem lawk theih loh chhan sawiin, Rinpuii chuan, "Sawrkar hmasa lama bat ral sak a tam thin em vang a ni a, tunah chuan nasa taka an inngen hnuin Cashless thei turin inbiakna an kalpui reng a ni," a ti a, Synod Hospital-ah pawh hman theih tura an inrem thuai a beisei thu a sawi bawk.

Minister chuan, "Kalphung Thar kan nih angin vui mai lovin kan Campaign laia kan au hlate kha hre thar leh ila khang hunah khan i kir leh ang u," tiin kalkhawmte chu a sawm. Mipuite, NGO te pawh sawrkar MLA te rinchhan ringawt hian huau huau leh Prog huaihawt ringawt hi kalphung tharah chuan chin tam loh a duh hle a tih a sawi a. "Aikal chungchangah phei chuan Minister te bulah hian lo sawi tawh lo u la, hriat rukpui che u pawh hi kan duh lo a ni," a ti.